ROZARI YA HURUMA YA MUNGU

 

NAMNA YA KUSALI ROZARI YA HURUMA

Tumia Rozari ya kawaida na anza kwa kusali ishara ya msalaba (+)

Baba Yetu…

Salam Maria 3

Nasadiki…

Penye Punje Kubwa

Baba wa Milele, ninakutolea Mwili na Damu. Roho na Umungu wa Mwanao Mpenzi sana Bwana Wetu Yesu Kristu, kwa kuzilipia dhambi zetu na dhambi za dunia nzima.

Penye Punje ndogo 

K : Kwa ajili ya mateso makali ya Bwana Yesu Kristu,    x   10 (50)

W: Utuhurumie sisi na dunia nzima x 10 (50)

Mwisho sali mara tatu

 MUNGU MTAKATIFU, MTAKATIFU MWENYE ENZI, , MTAKATIFU UNAYEISHI MILELE, UTUHURUMIE SISI NA DUNIA NZIMA.

      LITANIA YA HURUMA YA MUNGU

Bwana utuhurumie

Kristo utuhurumie

Bwana utuhurumie

Kristo,utusikie

Kristo utusikilize

Baba wa mbinguni Mungu             Utuhurumie ( iwe kiitikio)

Mwana Mkombozi wa dunia                              

Roho Mtakatifu Mungu

Utatu mtakatifu Mungu mmoja

Huruma ya Mungu iliyosifa kuu ya muuumna wetu                                                              Tunakutumainia (iwe kiitikio)

Huruma ya Mungu iliyo kilele cha ukamilifu wa mwokozi wetu

Huruma ya Mungu iliyo upendo  usiopimika wa Roho Mtakasa

Huruma ya Mungu iliyofumbo lisilofdahamika la utatu matakatifu

Huruma ya Mungu iliyoishara ya uwezo mkuu wa Mungu mwenyezi

Huruma ya Mungu iliyofumbuliwa katika kuziumba roho za malaika wa mbiguni

Huruma ya Mungu iliyotuumba na kutuamuru tuwepo bila kutokana na chochote

Huruma ya Mungu inayoshika na kushikiza ulimwengu mzima

Huruma ya Mungu inayotujalia maisha ya kuto kufa

Huruma ya Mungu inayotukinga na adhabu tunazostahili

Huruma ya Mungu inayotuinua tutoke katika taabu, unyonge na maumivu ya dhambi zetu

Huruma ya Mungu inayotufanya wenye haki, katiuka Neno Aliyejifanya Mtu

Huruma ya Mungu inayofurika kutoka katika majeraha ya Kristu

Huruma ya Mungu inayobubujika toka ndani ya moyo mtakatifu wa Yesu

Huruma ya Mungu iliyotupatia Bikira Maria mtukufu kabisa, awe kwetu “Mama wa Huruma”

Huruma ya Mungu inayoonyeshwa katika Ufunuo wa Mafumbo Matakatifu ya Mungu

Huruma ya Mungu iliyoonyeshwa katika kuanzishwa Kanisa Katoliki

Huruma ya Mungu inayopatikana katika mafumbo ya Sakramenti Takatifu

Huruma ya Mungu inayotolewa kwa wanadamu wote, kwa njia ya Sakramenti ya Ubatizo na Kitubio

Huruma ya Mungu inayotolewa katika Sakramenti ya Ekaristi na ya Upadrisho

Huruma ya Mungu inayoonyeshwa kwetu pale inapotuita na kutuingiza katika kuwatakatifuza wenye haki

Huruma ya Mungu inayotimilika katika ukamilifu wa watu watakatifu

Huruma ya Mungu chemchemi ya afya kwa wagonjwa na wote wanaoteseka

Huruma ya Mungu iliyo faraja ya wote wenye uchungu moyoni

Huruma ya Mungu iliyo tumaini la roho zinazosumbuliwa na mkato wa tamaa

Huruma ya Mungu iliyo mwenzi wa daima na popote wa watu wote

Huruma ya Mungu inayowahi kutuletea neema zake

Huruma ya Mungu iliyo amani yao wanaokufa

Huruma ya Mungu iliyo burudisho na faraja yao marehemu toharani

Huruma ya Mungu iliyo furaha ya mbinguni kwa watakatifu wote

Huruma ya Mungu iliyo taji la watakatifu wote

Huruma ya Mungu chemchemi ya miujiza isiyokauka 

 

Mwanakondoo wa Mungu uliyetuonyesha Huruma yako Kuu katika kuikomboa dunia kwa Msalaba wako Mtakatifu,                                                                                              

                                                                                                                Utusamehe Ee Bwana

Mwanakondoo wa Mungu unayejitolea kwetu kwa mapendo na Huruma katika kila Adhimisho la Sadaka ya Misa Takatifu

                                                                                                                Utusikilize Ee Bwana

Mwanakondoo wa Mungu unayeondoa dhambi ya dunia kwa njia Huruma Yako isiyo na mwisho

                                                                                                                Utuhurumie

V: Bwana, utuhumie

R: Kristu, utuhurumie

W: Bwana, utuhurumie.

V: Huruma anana za Bwana zi juu ya kazi zake zote.

R: Huruma za Bwana nitaziimba milele.

 

                TUOMBE

Ee Mungu uliye na huruma isiyo na mwisho na hazina za wema na upendo wako, hazina mipaka. Tunakusihi ututazame sisi watu wako huku duniani na kutuongezea Huruma Yako tena na tena, ili itusaidie, tusije tukakata tamaa hata mara moja, haidhuru, tukumbane na majaribu makubwa kiasi gani, bali tuweze daima kuzielekea na kuzishika Amri zako kwa matumaini na kutimiza Mapenzi yako Matakatifu, ambayo ndiyo”Huruma yenyewe”. Tunaomba hayo kwa njia ya Bwana wetu Yesu Kristu Mwanao, Mfalme wa Amani na Huruma, aishie na kutawala Nawe, na Roho Mtakatifu kwa pamoja mkituonyesha Huruma, daima na milele. Amina

 

Imeandaliwa  na Frt. Herman Lugala & Ginas Ngowi