Namna ya kusali Novena Ya Huruma Ya Mungu

 

JINSI YA KUFANYA NOVENA YA HURUMA YA MUNGU

Anza Novena hii siku ya Ijumaa Kuu kwa siku tisa (unamaliza Novena kabla ya Jumapili ya kwanza baada ya Pasaka, “Jumapili ya Huruma ya Mungu”). Lakini unaweza kufanya Novena hii wakati wowote mwakani, isipokuwa Novena ianzwe katika siku ya Ijumaa.

Kila siku anza kwa kusali sala hizi kama ifuatavyo pamoja na sala ya siku husika hapo chini, sala ya siku ndio itakayobadilika tu kwa kila siku kwa hiyo sala hizi zingine utasali kama kawaida kila siku

Anza kwa kusali Sala zifuatazo

1.  Uje Roho Mtakatifu:

Uje Roho Mtakatifu, uzienee nyoyo za waamini wako, washa mapendo yako, peleka Roho wako, vitaumbwa upya na nchi zitageuka.

Tuombe; Ee Mungu uliyefundisha nyoyo za waamini wako, ukiwaletea mwanga wa Roho wako Mtakatifu, tunakuomba utuongoze na Yule Roho, tupende yaliyo mema, tupate daima faraja zake, tunaomba hayo kwa njia ya Kristo Bwana wetu, Amina.

2. Sala ya Kutubu

Mungu wangu, ninatubu sana dhambi zangu, kwani ndiwe mwema, ndiwe mwenye kupendeza, wachukizwa na dhambi, basi sitaki kukosa tena, nitafanya kitubio, naomba neema yako nipate kurudi kwako, Amina.

3. Weka Nia za Sala

Kila siku ya Novena soma maneno ya Bwana Yesu kwa kuweka nia ya sala za siku hiyo, na pia Sali sala fupi kuhusu nia husika kama zilivyoonyeshwa hapo chini, kisha; Hapa ndipo utasali sala za kila siku, mfano, siku ya kwanza utasali Sala ya Siku ya kwanza, siku ya pili sala ya siku ya pili na kuendelea mpaka siku ya tisa.